جمہوریت یا یکجہتی؟ جے ڈبلیو پی کی سنگل پارٹی قرارداد نے ماحول گرما دیا

بی این پی کی آل پارٹیز کانفرنس میں سنگل پارٹی کی گونج، جمہوری وطن پارٹی کا بڑا مطالبہ

کوئٹہ – بلوچستان نیشنل پارٹی (بی این پی) کے زیراہتمام آل پارٹیز کانفرنس اس وقت سیاسی مرکز نگاہ بنی ہوئی ہے، جہاں مختلف جماعتوں کے رہنما صوبے کو درپیش مسائل اور چیلنجز پر متفقہ لائحہ عمل مرتب کرنے کی کوششوں میں مصروف ہیں۔
کانفرنس میں آج کا دن اس وقت خاص اہمیت اختیار کر گیا جب جمہوری وطن پارٹی (جے ڈبلیو پی) نے ایک غیر معمولی قرارداد پیش کی، جس میں تمام قوم پرست قوتوں کو یکجا کرکے ایک “سنگل پارٹی” کے قیام کا مطالبہ کیا گیا۔

جے ڈبلیو پی کے مطابق بلوچ قوم ایک عرصے سے ریاستی جبر، وسائل کی لوٹ مار، جبری گمشدگیوں اور سیاسی بے یقینی کا سامنا کر رہی ہے۔ ایسے میں منتشر جدوجہد کو مؤثر بنانے کے لیے ضروری ہے کہ تمام قوم پرست جماعتیں ایک ہی چھتری تلے آئیں اور ایک مربوط سیاسی طاقت کے طور پر اُبھریں۔

کانفرنس میں موجود دیگر جماعتوں کی جانب سے اس تجویز پر مختلف آراء سامنے آئیں، تاہم واضح ہے کہ بلوچستان کی سیاسی فضا میں ایک نئی بحث کا آغاز ہو چکا ہے، جو مستقبل کی سیاست پر گہرے اثرات مرتب کر سکتا ہے۔

ایسی مزید سیاسی خبروں اور تجزیوں کے لیے ابھی فالو کریں “کوئٹہ وال نیوز” – آپ کی آواز، آپ کا چینل!