لاہور: چیئرمین سینیٹ یوسف رضا گیلانی نے لاہور چیمبر آف کامرس اینڈ انڈسٹری میں خطاب کرتے ہوئے کہا کہ سیاسی استحکام ہی معیشت کو مضبوط بنا سکتا ہے۔ انہوں نے کہا کہ ملک میں کوئی ایسا مسئلہ نہیں جس کا حل ممکن نہ ہو۔
گیلانی نے تاجروں سے بات کرتے ہوئے زور دیا کہ ہمیں مل کر ملک میں سیاسی استحکام کے لیے کام کرنا ہوگا۔ سابق وزیرِاعظم نے کاروباری طبقے کے مسائل حل کرنے کا عزم ظاہر کیا اور کہا کہ اقتصادی اور صنعتی ترقی پیپلز پارٹی کے منشور کا حصہ رہی ہے۔
انہوں نے یہ بھی کہا کہ ایسی پالیسی بنانی ہوگی جس سے زراعت اور تجارت دونوں کو ساتھ لے کر چلا جا سکے۔ مزید خبریں جاننے کے لیے ‘کوئٹہ وال نیوز’ کو فالو کریں۔
