امریکہ نے شام کے نئے رہنما احمد الشراء، المعروف ابو محمد الجولانی، کی گرفتاری پر 10 ملین ڈالر کا انعام واپس لے لیا۔ یہ اعلان امریکی نائب سیکریٹری برائے مشرق وسطیٰ باربرا لیف نے دمشق میں ہونے والے اعلیٰ سطحی مذاکرات کے بعد کیا۔
مذاکرات میں الجولانی نے دہشت گردی کے خطرات کی روک تھام کی یقین دہانی کرائی، جس کے بعد امریکہ نے “ریوارڈز فار جسٹس” پروگرام کا اختتام کیا۔
HTS کی حالیہ پیش قدمی کے بعد دمشق میں بشار الاسد کی حکومت کا خاتمہ ہوا، اور اب یہ گروپ شام کی حکومت سازی میں اہم کردار ادا کر رہا ہے۔
باربرا لیف کے مطابق، “یہ فیصلہ HTS کے ساتھ تعلقات کی مکمل بحالی کا عندیہ نہیں دیتا لیکن یہ علاقائی استحکام کے لیے ایک مثبت قدم ہے۔”
امریکی وفد نے گمشدہ امریکی شہریوں، بشمول صحافی آسٹن ٹائس کے بارے میں بھی بات چیت کی۔ HTS نے ان معاملات میں مدد فراہم کرنے کا عندیہ دیا ہے۔
مزید خبروں کے لیے کوئٹہ وال نیوز کو فالو کریں!
