ژوب، موسیٰ خیل اور مرغا کبزئی میں امن اور کھیلوں کے کامیاب پروگرامز کا انعقاد ہوا۔ ژوب میں ایف سی بلوچستان (نارتھ) کے زیرِ انتظام انڈر 16 فٹبال ٹورنامنٹ بلوچستان فٹبال ایسوسی ایشن کے تعاون سے منعقد کیا گیا، جس کے ٹرائلز میں ژوب، شیرانی اور قلعہ سیف اللہ کے 126 کھلاڑیوں نے شرکت کی۔ فائنل میچ بلیو ٹائیگرز اور ایلیون اسٹار کے درمیان ہوا، جسے بلیو ٹائیگرز نے سنسنی خیز مقابلے کے بعد جیت لیا۔ فائنل کے موقع پر آئی جی ایف سی بلوچستان (نارتھ) میجر جنرل عابد مظہر نے کھلاڑیوں کی حوصلہ افزائی کی اور انعامات تقسیم کیے۔ مقامی عمائدین اور نوجوانوں کی بھرپور شرکت نے ٹورنامنٹ کو مزید یادگار بنایا۔
دوسری جانب موسیٰ خیل اور مرغا کبزئی میں امن جرگوں کا انعقاد کیا گیا، جن میں قبائلی عمائدین، سول انتظامیہ اور آئی جی ایف سی نے شرکت کی۔ ان جرگوں میں امن و امان اور ترقیاتی منصوبوں پر تبادلہ خیال ہوا۔ قبائلی رہنماؤں نے خوارج کے خلاف موثر کارروائیوں اور علاقے میں امن کے قیام کے لیے ایف سی بلوچستان اور پاک فوج کی کاوشوں کو سراہا۔ آئی جی ایف سی نے مقامی آبادی کے تعاون کو اہم قرار دیتے ہوئے فلاحی منصوبے جاری رکھنے کے عزم کا اظہار کیا۔
یہ تمام پروگرامز بلوچستان میں کھیل اور امن کے فروغ کے لیے ایک اہم سنگِ میل ہیں۔ مزید ایسی خبروں کے لیے کوئٹہ وال نیوز کو فالو کریں۔
#کوئٹہ_وال_نیوز
