جے یو آئی (ف) کے سربراہ مولانا فضل الرحمن نے کہا ہے کہ وزیر اعظم شہباز شریف نے مدارس کے مسائل پر ان کے مطالبات کو مثبت انداز میں قبول کیا ہے۔
مولانا فضل نے میڈیا سے گفتگو کرتے ہوئے بتایا کہ مدارس سے متعلق بل پارلیمنٹ سے منظور ہوا تھا اور اس پر وزیر اعظم سے ملاقات میں بات چیت کی گئی۔ انہوں نے کہا کہ وزیراعظم نے قانون کے مطابق عملی اقدامات کرنے کی یقین دہانی کرائی ہے اور جلد خوشخبری متوقع ہے۔
مولانا فضل الرحمن نے یہ بھی بتایا کہ انہوں نے مفتی تقی عثمانی کو اس ملاقات کے بارے میں آگاہ کیا ہے۔ ان کے مطابق، مدارس کے مسائل پر گفتگو میں مثبت پیشرفت ہوئی ہے، اور دو دن میں اچھی خبریں ملنے کی امید ہے۔
مزید خبروں کے لیے کوئٹہ وال نیوز کو فالو کریں!
