کوئٹہ: گورنر بلوچستان شیخ جعفر خان مندوخیل نے بیوروکریسی اور سیاسی قیادت پر زور دیا ہے کہ وہ بلوچستان میں غربت کے خاتمے اور عوام کی توقعات پر پورا اترنے کے لیے مؤثر کردار ادا کریں۔
بلوچستان سول سروسز اکیڈمی میں زیر تربیت افسران کی گریجویشن تقریب سے خطاب کرتے ہوئے گورنر نے کہا کہ افسران ریاست کا چہرہ ہیں اور ان کے دفاتر عوام کے لیے ہمیشہ کھلے رہنے چاہئیں۔ انہوں نے افسران پر میرٹ پر فیصلے کرنے کی تاکید کی۔
گورنر نے کہا کہ بلوچستان قدرتی وسائل سے مالا مال ہے اور نوجوانوں پر سرمایہ کاری کے ذریعے تیز رفتار اقتصادی ترقی ممکن ہے۔
انہوں نے 18ویں ترمیم کے بعد صوبائی حکومتوں کی ذمہ داریوں میں اضافے کو اجاگر کرتے ہوئے افسران کی تربیت اور استعداد کار میں اضافے کی اہمیت پر زور دیا۔
تقریب میں دیگر معزز شخصیات بھی شریک تھیں، جنہوں نے بلوچستان سول سروسز اکیڈمی کے کردار کو سراہا۔
مزید خبروں کے لیے کوئٹہ وال نیوز کو فالو کریں۔
