عدالتی قتل اور سیاسی مقدمات: جسٹس منصور علی شاہ کا اہم بیان

سپریم کورٹ کے سینئر جج جسٹس منصور علی شاہ نے سیاسی مقدمات کو آمرانہ حکومتوں کا “عدالتی ہتھیار” قرار دیتے ہوئے کہا کہ ایسے مقدمات عموماً عدلیہ کے بنیادی اصولوں اور منصفانہ ٹرائل کے حقوق کی پامالی کرتے ہیں۔ انہوں نے سابق وزیرِ اعظم ذوالفقار علی بھٹو کے مقدمے کو “عدالتی قتل” قرار دیا، جس میں عدلیہ کے طریقہ کار کی خلاف ورزیاں اور سیاسی مقاصد کے لئے مقدمے کا استعمال کیا گیا۔ جسٹس شاہ نے کہا کہ آمرانہ دور میں انصاف کے اصولوں کی پامالی کے باوجود، ججز کو اپنے اصولوں اور آزادی کو برقرار رکھنا چاہیے۔