اوورسیز پاکستانیوں کا ریکارڈ زرمبادلہ بھیجنے کا سنگ میل

اوورسیز پاکستانیوں نے جولائی سے نومبر 2024 کے دوران 14.76 ارب ڈالر کا ریکارڈ زرمبادلہ وطن بھیجا، جو ملکی تاریخ میں سب سے زیادہ ہے۔ صرف نومبر میں 2.91 ارب ڈالر موصول ہوئے، جس میں سعودی عرب سے سب سے زیادہ 730 ملین ڈالر بھیجے گئے۔

وزیرِاعظم شہباز شریف نے اوورسیز پاکستانیوں کا شکریہ ادا کرتے ہوئے ان کو ملک کا فخر اور سفیر قرار دیا۔ ان کا کہنا تھا کہ یہ اضافہ حکومت پر اعتماد کا مظہر ہے اور حکومتی اقتصادی پالیسیوں کا نتیجہ ہے۔

ماہرین کے مطابق، یہ اضافہ کرنٹ اکاؤنٹ سرپلس حاصل کرنے اور روپے کو مستحکم کرنے میں مددگار ثابت ہوگا۔ وزیراعظم نے اوورسیز پاکستانیوں کے مسائل حل کرنے کی یقین دہانی بھی کرائی۔

مزید خبروں کے لیے کوئٹہ وال نیوز کو فالو کریں۔